साहित्य :
२-३ पिकलेली केळी
अर्धा कप साखर
अर्धा कप तेल / तूप/ बटर
अर्धा चमचा वेलची पूड
दीड कप गव्हाचं पीठ / मैदा
अर्धा चमचा बेकिंग पावडर
अर्धा चमचा बेकिंग सोडा
चिमुटभर मीठ
कृती:
१) केळी साल काढून बारीक काप करून एका भांड्यात घ्या, त्यात अर्धा कप साखर टाकून व्यवस्थित लगदा करून घ्या. त्यात गुठळ्या राहू देऊ नयेत.
२) अर्धा कप तेल टाकून व्यवस्थित ढवळून एकजीव करून घ्या आणि त्यात वेलची पूड टाकून ढवळा
३) या मिश्रणात पीठ, बेकिंग पावडर, बेकिंग सोडा, मीठ टाकून cut and fold पद्धतीने मिश्रण बनवून घ्या. (चमच्याने किंवा बीटर ने ढवळायचे नाही.)
४) केकच्या साच्याला तेल लावून घ्या. आणि त्यात मिश्रण ओता. वरून सारखे करून एक-दोनदा भांडे थोडे आपटून मिश्रण सारखे करा
५) ओवन १८० डिग्री सेल्सिअस ला ५ मिनिटे प्री-हिट करून नंतर त्यात ३०-३५ मिनिटे केक बेक करून घ्या. ३० मिनिटे ओवन उघडून बघू नका. त्यानंतर टूथपिक टेस्ट करून लक्ष ठेवा.
६) केक बाहेर काढल्यावर थंड करून घ्या. त्यानंतर सुरीने कडा सोडवून प्लेट मध्ये अलगद काढून घ्या
Comments
Post a Comment